Plantun de Prouvènço

Pèr coumpara dos planto d'encò nostre

Salix cinerea & Limonium narbonense

Orle

Salix cinerea

Salicaceae

Noms en français : Saule cendré, Saule gris.

Descripcioun :
L'orle es un aubret à port de bouissoun proun pelous sus tóuti si branco (fin qu'à dos annado). Se pòu engana emé l'amarinas, Salix caprea mai pèr aquéu si fueio soun larjo vers lou mitan alor que pèr l'orle, lou mai larg s'atrobo vers lou bout. En mai d'acò l'amarinas èi rapidamen pu pelut sus li ramo. Coumpara emé l'amarinas.

Usanço :
Lou bos, eisa à fendescla, pòu servi pèr la banastarié o pèr fabrica un mouloun de pichòti causo. Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre e lucha contro lou mau d'os.

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 4 à 5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Bos umide
Estànci : Mesoumediterran à Mountagnard
Couroulougi : Paleotemperado
Ref. sc. : Salix cinerea L., 1753

Saladello

Limonium narbonense

Plumbaginaceae

Àutri noum : Saradello, Auriho-de-lèbre.

Noms en français : Saladelle de Narbonne, Statice de Narbonne.

Descripcioun :
La saladello èi la planto emblematico de Camargo emai siegue pas la souleto que ié trachi. Limonium narbonense es eisado de recounèisse e de destria dis àutri saladello qu'a de gràndi fueio (10 à 30 cm) coume d'auriho de lèbre. Lis enflourejado soun proun ramificado.

Usanço :
Li jòuini fueio soun manjadisso en ensalado. Li gardian l'acampon e l'estacon à la sello.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour : Vióuleto
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Mesoumediterran
Couroulougi : Pancaro entresigna
Ref. sc. : Limonium narbonense Mill., 1768

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salix cinerea & Limonium narbonense

Coumpara Orle emé uno autro planto

Coumpara Saladello emé uno autro planto